Staff Sharing

「護理員唔係只識得換片、沖涼，護理員值得大家尊重」－保良局郭羅桂珍護老院護理員Apple。

工作量大、受氣、骯髒、輪班工作……不少人認為安老院護理員工作辛苦，亦「看不起」護理員工作，不願意入行。從事長者服務已經18 年的梁詩萍A p ple 卻笑著說︰「照顧長者係辛苦㗎，但係如果我辛苦可以令到老人家開心，咁就係值得。將心比心去做，這刻長者嘅感受就係你將來嘅感受。」

早上七時，一般辦公室上班族可能正剛剛起床。Apple已換好一身制服，回到院舍開始一天的工作︰協助長者起床、清潔、準備早餐；然後轉眼已是早上八時半了，Apple 與其他護理員一齊協助長者洗澡、安排認知障礙訓練小組或進行香薰按摩。到了約11 時，便是長者的午餐時間，護理員們一邊餵老友記進食、一邊與他們聊天「盡訴心中情」，團隊然後協助各位老友記午睡過後，Apple 休息進膳，隨後便是與下一更同事進行交更簡報、巡房……

忙碌過後，Apple 坐下來與小編娓娓道來她擔任護理員的經歷︰「以前媽媽不認同我（做護理員），公眾對護理員嘅印象就係（幫長者）換片、沖涼，大家唔係以正面嘅態度睇我地嘅工作。但其實長者有事或者係最危險嘅一刻，通常護理員係第一個發現，例如可能護理員會喺幫長者換片時發現長者手腳無力，可能係院友突然病發嘅先兆。」

經過10 多年的努力，Apple 憑著她專業、細心和認真的工作態度，漸漸得到長者院友、家屬的認同，和長者像朋友一樣相處，有家屬在長者離世後，邀請Apple 為長者撰寫禮文及出席安息禮拜。

Apple 笑言，現在她的工作已得到家人朋友的認同︰「家人或朋友有長者要入住安老院，佢哋自自然然會問我意見。我最開心係見到老人家笑，佢哋笑一下好過我笑十下，我寧願辛苦啲，希望可以令老人家喺佢地人生最後階段過得更美好。」

除了身邊人的認同，Apple 更加希望透過自身的經歷，向公眾傳達︰「護理員值得大家尊重」。